Hazrat Ali Quotes

Best selected Hazrat Ali quotes in Urdu for your motivation and inspiration. If you like these Hazrat Ali quotes do share them with your friends.

* Shukar-e-nemat hasool-e-nemat ka baaes hy or nashukri hasoole-zehmat ka baaes hy.

* Adab behtreen kamalat or kheraat afzal tareen ibadat se hy.

* Aqal mund apne aap ko pust kr k bulandi hasil krta hy or nadaan apne aap ko barha kr zilat utatha hy.

* Gunahon per nadim hona inko mita dita hy or nekion pr maghroor hona inko barbaad kr deta hy.

* Khawaish parasti halaak kr dene wala sathi or bri ibadat aik zor awar dushman hy.

* Aadmi ki qabliat zuban ke neeche posheeda hy.

* Hoshiari is ka naam hy k insaan apne tajurbe ko mehfooz rakhe or iske mutabiq kaam kre.

* Sachai mein agarche khof hy magar baaes nijaat hy, or jhoot mein go itminaan ho ga magar mojeb-e-halakat hy.

* Tung dasti jise log mehboob samjhein is maldaari se achi hy jis se insaan gunahon or kharabi mein mubtala ho kr zaleel-o-ruswa ho.

* Tajurbe kabhi khatam nai hote or aqal mund wo hy jo in mein taraqi krta hy.

* Musibat mein ghabrana kamal darje ki musibat hy.

* Jaldi se maaf krna intahae sharafat or intiqaam mein jaldi intahae rizalat hy.

* Shareef ki pehchaan ye hy k jub koi sakhti kre to sakhti se pesh aata hy or jub koi is se narmi se kre to nuram ho jata hy. or kameene se jub koi nurmi kre to sakhti se pesh aata hy or jub koi sakhti kre to dheela ho jata hy.

* Ulma is liye ghareeb o bekus hein k jahil log zyada hein jo inki qadar nahin samjhte.

* Aqalmand agar khamosh rahe to qudrat-e-Ilahi mein fikar krta hy or jub nigha utha kr dekhe to ibrat hasil krta hy.

* Hirs se kuch rozi nahi barh jati magar aadmi ki qadar ghut jati hy.

* Aurat agarche shur or khrabi hy magar is se barh kr kharabi ye hy ko aurat k beghair guzara bhi nahi ho sakta.

* Bura aadmi kisi ke sath nek guman nahi rakhta kyun ke wo hr aik ko apne jesa khyal krta hy.

* Ilm maal se behtar hy kyun ke ilm tumhari hifazat krta hy or tum maal ki hifazat krte ho.

* Aadmi agar aajiz ho or nek kaam krta ho to is se acha hy k qooat rakhe or bure kaam nah chore.

* Sharafat aqal-o-adab se hy na k maal-o-nasb se hy.

* jald baaz aadmi aksar apne kiye pr nadim hota hy. agr nadim nah ho to samjh lo ke is ka janoon mustehkam ho gya.

* Doosron ke seene se shur us waqat door kr ke pehle tu apne seene ki safai kr le.

* Jo sakhs kisi ke aeb talash krne mein rehta hy ise koi nah koi aeb mil hi jata hy.

* Jis shaks ke dil mein jitni zyada hirz hoti hy is ko Allah Talah per itna hi kum yaqeen hota hy.

* Dunya aik murdaar hy, jo log is ki badolat aapis mein bhai bund bante hein inko bhai bundi is ke lalach mein aik doosre pr hamla krne se maneh nahi hoti.

* Her aik aadmi ki rae is ke zaati tujarbe ke mutabiq hua krti hy.

* Jub tak koi baat tere munh mein bund hy tub tak tu is ka malik hy, jub baat zubaan se nikal chuke to wo teri malik ho chuki.

* Jo log tujh se zyada ilm rakhte hein in se hasil ker or jo nadaan hein in ko apna ilm sikha.

* Bakheel dunya mein fakeeron ki si zindagi basar kre ga or aaqbat mein ameeron ka hasab bhugte ga.


Share Hazrat Ali Quotes

Add More Hazrat Ali Quotes